දේශීය ආර්ථිකය රැකගැනීමට ආණ්ඩුවට නොහැකිනම් රටට ආදරය කරන දේශිය කර්මාන්ත කරුවන්ට ආර්ථිකය ගොඩනැගීමේ මග පෙන්වීමට අවස්ථාව ලබා දෙන්නැයි මව්බිම ලංකා පදනමේ සභාපති ආරියශීල වික්‍රමනායක මහතා පවසයි.
පසුගිය (25) වනදා බණ්ඩාරනායක සම්මන්ත්රණ ශාලාවේ පැවති උත්සවයකට එක්වෙමින් ඔහු මේ බව කියා සිටියේය.
”අපි ආණ්ඩුවට හැමදාම කියනවා හැමදේම පිටරටින් එනකල් කට ඇරගෙන බලා ඉදල හරියන්නෙ නැහැ. රටේ නිෂ්පාදන ආර්ථිකය දියුණු කරන්න ඕන කියලා. ඒත් ඇහුවෙ නැහැ. දැන් රුපියල කඩා වැටෙනකොට මොළේ පෑදිලා. දැන් කියනවා ආනයන සීමා කරන්න ඕනේ කියලා.
රටට ඕන කිරි ටික, සීනි ටික, හාල් ටික අපට හදාගන්න පුළුවන්. ඒව කරන හැටි කියලා දෙන්න විතරක් නෙවෙයි කරලා පෙන්නන්නත් අපට පුළුවන්.”
ඒ ආරියශීල වික්‍රමනායක මහතාගේ මතයයි. ඔහු එහෙම කියන්නේ පසුගිය 25 වනදා බණ්ඩාරනායක සම්මන්ත්රණ ශාලාවේදී පැවැති ”ඔහුගේ කතාව සහ රටේ කතාව” සමාජගත කරන අවස්ථාවේදීයි. ධ්‍යවේදී ඉසුරු ප්‍රසංග විසින් රචිත ”කෙම් බිමට ගමනක්” ආරියශීල වික්ක‍රමනායක මහතාගේ ජීවිත කතාව සහ ඔහු රට වෙනුවෙන් කළ කී දෑ ඇතුලත් සුවිශේෂී ග්‍රන්ථය එළිදැක් වුණි.
